{"id":812,"date":"2023-04-10T18:30:03","date_gmt":"2023-04-10T15:30:03","guid":{"rendered":"https:\/\/www.saltifoundation.org\/?p=812"},"modified":"2023-07-17T11:27:50","modified_gmt":"2023-07-17T08:27:50","slug":"preokupasyones-del-dia","status":"publish","type":"post","link":"https:\/\/www.saltifoundation.org\/he\/preokupasyones-del-dia\/","title":{"rendered":"PREOKUPASYONES DEL DIA"},"content":{"rendered":"\t\t
\n\t\t\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t\t\t\t\t\t

Muy pokos kedimos en Israel komo eskrivanos de ladino (judeo espanyol, judezmo, espanyol i mas, no me emporta komo yamash la lingua de muestros antepasados) i esto me aze pensar kon tristesa sovre el futuro de esta lingua. Eya reprezenta la baza del\u00a0 sefaradizmo i de su kultura . Poko antes sovre el apoyo de la Akademia Espanyola, se miro de organizar una akademia semejante\u00a0 chika en Israel debasho el patronaze de la Rashut del Ladino\u00a0 para sovreguadrarla i krear muevos biervos\u00a0 para\u00a0 ayudarla a estar en uzansa en muestra epoka.\u00a0 A lo ke yo sepa malorozamente nada fue echo de konkreto fin oy en dia.\u00a0 La mayoriya de los sefarades i sus desendientes israelianos no fueron del todo motivados para ke eya seya kreada\u00a0 . El ministaryo de la kultura israeliano no se si se entereso a este proyekto i si mizmo su tema\u00a0 le fue eksplikado anchamente para solisitar ayudo\u00a0 i un budjeto sin el no sera posible establisirla.\u00a0 Pekado\u00a0 por el idioma i por muestra kultura\u00a0 ke kedaron guerfanos al seno de la mas grande komunidad\u00a0 sefarad del mundo. La kayadez i su komportamiento\u00a0 negativo sovre esta kestyon no mos dara una buena fama istorika a todos los ke pensan ainda en ladino i miran de pratikarla i eskrivirla.\u00a0<\/span><\/p>

\u00a0Bien,unos\u00a0 de mi lektores me demandaran\u00a0 por siguro kualo kale azer para\u00a0 avansar el proyekto?\u00a0 La verda es ke no se kualo responderles\u00a0 de konkreto visto ke no tengo\u00a0 dinero en demazia en mi fondasyon ke ayuda el Instituto Salti\u00a0 el kual konsume la mayoriya de su budjeto anual. \u00a0 A mi avizo la sola koza de positivo ke se puedra azer al momento aktual es de demandar a traverso las platformas sosialas a topar filantropos ke kereran ayudar el establisimiento de la Akademia en partisipando a una komisyon ke se establira al seno de la Rashut\u00a0 del Ladino i ke mirara de arekojer grosh por grosh donasyones\u00a0 de los amantes de muestra kultura . Grasias a este fondo se podra organizar\u00a0 lavoros de un grupo de presyon politiko ke influensera el futuro governo a okuparse de la Akademia i ansi darles a entender ke para Israel, la Akademia avrira kulturalmente una puerta mueva en el mundo espanyol visto ke eya sera miembro aktivo de la asosyasyon \u2018Asala\u2019 ke regrupa 23 akademias espanyolas reprezentando 23 payizes diferentes.<\/span><\/p>

\u00a0Ademas un sigundo punto importante sovre el futuro del idioma es la mankura de eskrivanos ke miran a enteresarse a la vida de kada dia en Israel, al aspekto politiko, sosyolojiko del payis.\u00a0 Es ansi sigun mi penseryo ke se provara ke el ladino esta bivo i se puede uzar para darse a entender sovre evenimientos aktuales. Esto, no fui nunka kapache de konvenser a eminentes personajes\u00a0 de muestra sosietad ke eskrivieron i kontinuan a eskrivir sovre el pasado nostaljiko de sus chikes sea en Israel, sea en la di\u00e1spora, a transmeter sus investigasyones istorikas de 2000 anyos , analizar la vida ke tuvieron los djudios en Espanya, i durante el segundo galut en el Imperio Otomano, el antisemitizmo politiko del sieglo pasado, la Shoa i mas. No ay duvda son sujetos\u00a0 urjentes de grande importansa\u00a0 ke se deven eskrivir. Ma la lingua kon la kuala estos sujetos son eskritos no ayuda\u00a0 al dezvelopamiento del\u00a0 vokabularyo nesesario de la lingua avlada de kada dia\u00a0<\/span><\/p>

Por modo de esto enkorajo a todos los ke dezean uzar el ladino por sujetos aktuales\u00a0 de eskrivir sin aflosharsen i de no deskorajarsen kuando un biervo les falta , de no kansarsen para krearlo.\u00a0 Siempre adelantre si keremos uzar muestra amada lirika lingua.<\/span><\/p>

El treser punto para mi es de demandar a todos de eskrivir para luchar kontra el antisemitizmo pujado\u00a0 estos ultimos anyos en el mundo.\u00a0 Kada\u00a0 uno de mozotros sovre sus orijines de enteresarsen al antisemitizmo del payis en el kual se engrandesyeron.\u00a0 En mi kavzo vos kero transmeter mi sentimiento sovre el antisemitizmo en Turkia.\u00a0 Dezde\u00a0 de los Otomanos siempre uvo antisemitizmo en la umas ke kompozavan el imperio. Los kristianos\u00a0 otoktonos en mayoriya kreendose al mit de la muerte de Jesu (Yeushua) pratikaron el antisemitizmo relijiozo. Los muzulmanos \u00a0 de mezmo pratikaron un antesemitizmo moderado fin a el establisimiento de la republika. El kemalizmo sekular i la disparisyon del imperio izo pujar el antisemitizmo politiko de los fondamentalistos muzulmanos i de los nasyonalistos en el empesijo del sieglo pasado.\u00a0 Kon la fondasyon de Israel i\u00a0 la influenza del nasyonalizmo arabo el pujo muncho mas. En muestros d\u00edas el antisemitizmo vino al nivel maksimal istoriko kon la vinida al poder en este payis, del partido \u2018Justisia i Dezvelopamiento\u2019 15 anyos antes. El prezidente\u00a0 Tayyip Erdogan siendo un dishiplo de los Ermanos Musulmanos\u00a0 konfrereria araba ejipsyana ke en su doktrina mensyona la destruksyon de Israel, es un antisemito lo ke yamo yo \u201cmedyo\u201d. No ay duvda el se konsidera inimigo de Israel ma komo bivyo kon los djudyos en Estambol los proteja komo dimnis i no refuza a la chika komunidad djudia su ayudo.\u00a0 Ma en jeneral los turkos blankos(kemalistos -laikos) keren bien a Israel, a los djudios de Turkia i la mayoriya de los\u00a0 miembros de la armada turka respektan muestro payis por ke save defenderse i krear armas de defensa. Ma\u00a0 kaji 78 por sien de la povlasyon pensan ke Israel aliado de los Estados Unidos es inimigo de la Turkia, ke maltrata a los palestinianos muzulmanos, konkista terra musulmana, ke tiene proyektos imperialistos sovre el\u00a0 Medyo Oriente i ke ayuda a los Kurdes a estableser zonas otonomas en Siria i en Irak aliados del PKK ke lucha kontra Ankara.\u00a0<\/span><\/p>

\u00a0Difisil para los djudios ke biven en este payis de respirar sin sar. Lo mijor sera para eyos de salir de aya o sino de bivir en kayades, eskondidos en una forma de geto onde kontinuaran a frekuantarse entre eyos i por lo mas kon los turkos blankos, asperando kon pasensia\u00a0 un trokamento de governo !<\/span><\/p>

\u00a0Dr. Selim Salti, 2019<\/span><\/p>\t\t\t\t\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t<\/div>\n\t\t","protected":false},"excerpt":{"rendered":"

Muy pokos kedimos en Israel komo eskrivanos de ladino (judeo espanyol, judezmo, espanyol i mas, no me emporta komo yamash la lingua de muestros antepasados) i esto me aze pensar kon tristesa sovre el futuro de esta lingua. Eya reprezenta la baza del\u00a0 sefaradizmo i de su kultura . Poko antes sovre el apoyo de […]<\/p>\n","protected":false},"author":1,"featured_media":362,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[21,38,20,29,22],"class_list":["post-812","post","type-post","status-publish","format-standard","has-post-thumbnail","hentry","category-uncategorized","tag-blog","tag-issues-on-the-present","tag-ladino","tag-preokupasyones-del-dia","tag-uncategorized"],"_links":{"self":[{"href":"https:\/\/www.saltifoundation.org\/he\/wp-json\/wp\/v2\/posts\/812","targetHints":{"allow":["GET"]}}],"collection":[{"href":"https:\/\/www.saltifoundation.org\/he\/wp-json\/wp\/v2\/posts"}],"about":[{"href":"https:\/\/www.saltifoundation.org\/he\/wp-json\/wp\/v2\/types\/post"}],"author":[{"embeddable":true,"href":"https:\/\/www.saltifoundation.org\/he\/wp-json\/wp\/v2\/users\/1"}],"replies":[{"embeddable":true,"href":"https:\/\/www.saltifoundation.org\/he\/wp-json\/wp\/v2\/comments?post=812"}],"version-history":[{"count":4,"href":"https:\/\/www.saltifoundation.org\/he\/wp-json\/wp\/v2\/posts\/812\/revisions"}],"predecessor-version":[{"id":1918,"href":"https:\/\/www.saltifoundation.org\/he\/wp-json\/wp\/v2\/posts\/812\/revisions\/1918"}],"wp:featuredmedia":[{"embeddable":true,"href":"https:\/\/www.saltifoundation.org\/he\/wp-json\/wp\/v2\/media\/362"}],"wp:attachment":[{"href":"https:\/\/www.saltifoundation.org\/he\/wp-json\/wp\/v2\/media?parent=812"}],"wp:term":[{"taxonomy":"category","embeddable":true,"href":"https:\/\/www.saltifoundation.org\/he\/wp-json\/wp\/v2\/categories?post=812"},{"taxonomy":"post_tag","embeddable":true,"href":"https:\/\/www.saltifoundation.org\/he\/wp-json\/wp\/v2\/tags?post=812"}],"curies":[{"name":"wp","href":"https:\/\/api.w.org\/{rel}","templated":true}]}}